Жәңгір хан студенттері жүлделі оралды

Жәңгір хан университетінің студенттері Әділбек Сеисов, Ержан Ерболат және Нұртілеу Орынғали Қазақстан Республикасы чемпионатында топ жарып, жүлделі орындарды иеленді.

1-курс студенті Әділбек Сеисов жауынгерлік самбо күресінен ерлер арасында 64 келі салмақ дәрежесінде өнер көрсетіп, 1-орынды жеңіп алса, 2-курс студенті Ержан Ерболат қол күресінен ерлер арасында 55 келі салмақ дәрежесі бойынша 2-орынға қол жеткізді. Ал шаңғымен спорттық бағдарлауда жастар тобы арасында ұзақ қашықтықта өз бағын сынаған 1-курс студенті Нұртілеу Орынғали 3-орынға табан тіреді.

Жас спортшылар осындай үздік нәтижелерімен «ҚР спорт шебері» дәрежесіне қол жеткізді.

Ел чемпионатынан олжамен оралған студенттерімізді құттықтаймыз. Олардың әлі талай байрақты бәсекелерде ел абыройын асқақтатарына сенеміз.

090009, Қазақстан Республикасы, Орал қаласы, Жәңгір хан көшесі, 51
  • Ректор қабылдауы:8 (7112) 50 13 74
  • Кеңсе:8 (7112) 52 21 00
  • Қабылдау комиссиясы:8 (7112) 50 24 01
  • Е-мейл:zapkazatu@wkau.kz
Жаңалықтарға жазылу