Конрад Аденауэр атындағы Қор Sur-Place жергілікті стипендиясына конкурс жариялайды.
Конкурсқа кім қатыса алады?
Қазақстанның ЖОО-да (жоғары оқу орындарында) күндіз оқитын және конкурстық іріктеуден өткен Қазақстан Республикасы азаматтары қордың стипендианттары бола алады – бакалаврлар немесе магистранттар. Ерекшелік ретінде соңғы курста оқитын студенттерге стипендия тағайындалуы мүмкін. Құжаттарды тапсыру кезінде қатысушының жасы 30-дан аспауы тиіс.
Конкурстық іріктеу кезінде еліміздің қоғамдық-саяси өміріне қатысатын, белсенді өмірлік ұстанымы, кең дүниетанымы бар және көздеген мақсатына жете білетін студенттерге басымдық беріледі. Шет тілін білу құпталады, бірақ міндетті болып саналмайды.
Стипендия 6 айға беріледі (ұзарту мүмкіндігімен).
Құжаттарды қабылдаудың соңғы күні: 31.12.2020
